Hapat e Blerjes së Makinës nga Koreja
Përzgjedhja e Automjetit
Përzgjedhja e automjetit realizohet nga klienti në platformën online amsauto.al.
Zgjedhja e Transportit dhe Inspektimi
Klienti zgjedh shërbimin e transportit në bazë të çmimit (Ro-Ro ose konteiner) dhe autorizon dërgimin e automjetit për inspektim teknik.
Raporti i Inspektimit
Pas kryerjes së inspektimit, klientit i dërgohen foto, video dhe raporti zyrtar i inspektorit, ku vlerësohet gjendja e motorit, kambios dhe shasisë.
Verifikimi i Gjendjes
Nëse automjeti e kalon inspektimin dhe nuk paraqet probleme në motor, kambio apo aksidente strukturore në shasi, ai konsiderohet i rregullt. Në rast se automjeti nuk rezulton i rregullt, klienti ka të drejtë të kontrollojë një automjet tjetër pa pagesë shtesë.
Nënshkrimi i Kontratës dhe Faturimi
Vijon nënshkrimi i kontratës dhe lëshimi i faturës, pranë zyrave tona ose në mënyrë elektronike. Pagesa bëhet 100% parapagim në momentin e nënshkruarjes së kontratës.
Blerja dhe Transporti
Pas kryerjes së pagesës, realizohet blerja e automjetit, procesi i çregjistrimit në Kore dhe rezervimi i hapësirës në anijen më të hershme të disponueshme (Ro-Ro ose konteiner).
Gjurmimi i Transportit
Pas ngarkimit të automjetit në anije, klienti pajiset me numër gjurmimi, i cili mundëson ndjekjen e ecurisë së transportit.
Kohëzgjatja e Transportit
Kohëzgjatja e parashikuar e transportit është: rreth 35 ditë për transport Ro-Ro, rreth 60 ditë për transport me konteiner (pas nisjes së anijes).
Procesi i Zhdoganimit
Me mbërritjen e automjetit në Durrës, fillon procesi i zhdoganimit pranë agjencisë sonë ose pranë një agjencie të zgjedhur nga klienti.
Tërheqja e Automjetit
Pas përfundimit të zhdoganimit dhe shlyerjes së të gjitha pagesave përkatëse (shkarkim, agjenci), merren dokumentet e automjetit dhe urdhërlirimi pranë Agjencisë Urimi 2002, zyra 201 (Porti Durrës). Më pas vijon tërheqja e automjetit: në Port Durrës (për konteiner) ose në Porto Romano (për Ro-Ro).
Dorëzimi dhe Targimi
Automjeti dorëzohet gati për procesin e targimit. Transporti i automjetit nga porti deri te zyra e regjistrimit është përgjegjësi e klientit.
Shtojcë - Terma dhe Kushte
- Nëse automjeti e kalon inspektimin, por blerja anulohet nga klienti, klienti është i detyruar të paguajë 100€ për shërbimin e inspektimit.
- Për automjetet me mbi 200,000 km, pagesa e inspektimit (100 €) është e detyrueshme, pavarësisht rezultatit të inspektimit.
- Nga përgjegjësia e inspektimit përjashtohen pjesët e konsumit, përfshirë por pa u kufizuar në: ferrota, tamburo, filtra, gomina, mbajtëse motori/kambioje, rrip ose zinxhir motori, rrjedhje nga guarnicione të pakonstatuara gjatë inspektimit, gërvishtje të lehta përdorimi apo parkimi pa deformime të theksuara të paneleve metalike ose plastike, si dhe materiale të konsumuara nga përdorimi normal (lëkurë, copa, butona, etj.).
- Automjetet me targa në Kore i nënshtrohen kontrollit teknik çdo 2 vite, ku regjistrohet edhe kilometrazhi. Ky dokument është i vetmi dokument zyrtar që vërteton kilometrazhin e automjetit.
- Çmimet e paraqitura në website janë të panegociueshme dhe subjekt i ndryshimeve të kursit të këmbimit (KRW/EUR), kostos së transportit ose çmimit të shitjes nga shitësi, deri në momentin e blerjes së automjetit.
- Kushti i dorëzimit të automjetit është CFR Durrës dhe i nënshtrohet termave dhe kushteve përkatëse të transportit.
- Datat e nisjes, mbërritjes dhe disponueshmëria e hapësirave në anije varen nga linjat detare dhe janë data të parashikuara, mbi të cilat AMS AUTO nuk ka ndikim.
- Transporti detar i nënshtrohet termave dhe kushteve të transportit ndërkombëtar. Termat e plota gjenden në linqet përkatëse: