Kontrata e Shërbimit të Ndërmjetësimit

Kostoja e inspektimit varet nga rezultati i tij dhe nga vendimi juaj për të proceduar me blerjen.

• Çmimet e paraqitura në website janë të panegociueshme dhe subjekt i ndryshimeve të kursit të këmbimit (KRW/EUR), kostos së transportit ose çmimit të shitjes nga shitësi, deri në momentin e blerjes së automjetit.
• Datat e nisjes, mbërritjes dhe disponueshmëria e hapësirave në anije varen nga linjat detare dhe janë data të parashikuara, mbi të cilat AMS AUTO nuk ka ndikim.

AMS Group pranon të ofrojë shërbimin e ndërmjetësimit për identifikimin, blerjen dhe transportin e makinës deri në Portin e Durrësit për automjetet e mëposhtme dhe Blerësi pranon të blejë sipas kushteve të përcaktuara në këtë Kontratë:

• AMS Group është përfaqësuesi zyrtar dhe pala kontraktuese ndaj Blerësit në Shqipëri.
• Furnizuesi është partneri zyrtar i AMS Group për furnizimin e automjeteve objekt të kësaj Kontrate.
• Pagesat kryhen drejtpërdrejtë tek Furnizuesi dhe AMS Group mbetet pala e vetme përgjegjëse ndaj Blerësit për zbatimin e kësaj Kontrate.
• Blerësi pranon të marrë shërbimin e AMS Group për inspektimin, blerjen dhe transportin deri në Durrës të automjetit objekt të kësaj Kontrate.

• Koordinimin e blerjes, transportit, shkarkimit dhe dorëzimin e padëmtuar fizikisht të automjeteve ne Shqipëri (përjashtohen makinat e aksidentuara).
• Sigurimin e dokumentacionit të mëposhtëm për regjistrimin e makinës ne Shqipëri i cili përmban:
  • Kopje të certifikatës së regjistrimit + përkthimin në gjuhën Angleze
  • Kopje të certifikatës së çregjistrimit + përkthimin në gjuhën Angleze
  • Faturën e makines (Commercial invoice)
  • Dokumentin e transportit (Bill of Lading)
• Qenien si kontakti zyrtar i Blerësit për çdo çështje kontraktuale dhe teknike.
• Furnizuesi si partner zyrtar i AMS Group, është përfituesi i pagesës dhe furnizuesi i mallrave, por nuk mban përgjegjësi kontraktuale ndaj Blerësit.
• AMS Group mban garanci për inspektimin e automjetit me transparencë dhe identifikimin e problemeve që lidhen me motorin, kambion dhe shasinë e makinës (pjesë konstruktive e paçmontueshme e makinës). Në rast të defekteve të fshehura të cilat nuk janë evidentuar gjatë inspektimit por që dalin në pah pas mbërritjes së makinës në Shqipëri të cilat lidhen me motorin, kambion apo shasinë, do të zgjidhen me mirëkuptim dypalësh ku përgjegjës kryesor për riparimin e defektit do jetë AMS Group.
• Për shkak të natyrës së makinave të përdorura, janë të përjashtuara nga inspektimi pjesët e konsumit, përfshirë por pa u kufizuar në: Goma, ferrota, tamburo, filtra, gomina, kembë motori/kambioje, rrip ose zinxhir motori, freksion, volant, rrjedhje normale e guarnicioneve si rrjedhojë e kilometrave të kaluara, gërvishtje të lehta përdorimi apo parkimi pa deformime të theksuara të paneleve metalike ose plastike, ndryshk i moderuar i cili nuk konsiderohet problematik për përdorimin normal të makinës , materiale të konsumuara nga përdorimi normal i automjetit si lëkurë, copa, butona etj.
• Automjetet me targa në Kore i nënshtrohen kontrollit teknik çdo 1-2 vite, ku regjistrohen edhe kilometrat që ka përshkruar makina në momentin e kontrollit. Ky është dokumenti i vetëm zyrtar që vërteton kilometrat e automjetit dhe AMS Group nuk ka asnjë mënyrë tjetër për të vërtetar apo kontrolluar kilometrat përveç se nga ana zyrtare dhe dokumentare.
• Gjatë testimit të makinës, për shkak të kushteve të ambjentit ku makinat parkohen është e pamundur që makina të testohet me shpejtësi më të lartë se 20 km/h, rrjedhimisht, defektet të cilat mund të dalin në pah kur automjeti udhëton sipër kësaj shpejtësie janë të përjashtuara nga përgjegjësia e inspektimit.

• Blerësi do të kryejë pagesat drejtpërdrejt tek Furnizuesi, partneri zyrtar dhe përfitues i emëruar, i cili operon nën përgjegjësinë dhe garancinë e AMS Group.
• Pagesa tek Furnizuesi konsiderohet si shlyerje e plotë e detyrimeve të Blerësit ndaj AMS Group.

• Skema e Pagesës:

  • 100% Parapagim në nënshkrim të kësaj Kontrate.

• Detajet bankare të Furnizuesit. janë si më poshtë vijon:

  Llogaria Bankare:	I merrni në kontratë
  Account Holder:	I merrni në kontratë
  Bank:	I merrni në kontratë
  SWIFT/BIC:	I merrni në kontratë
  Country:	I merrni në kontratë

• Termi i dorëzimit: CFR Durres (Incoterms 2020) dhe i nënshtrohen termave dhe kushteve të përcaktuara në dokumentin e transportit Bill of Lading, të cilat janë afishuar në ketë adresë: Lexo kushtet dhe përgjegjësitë e plota këtu.
• Kostot e shkarkimit nga anija dhe shpenzimet për kryerjen e procedurave doganore janë për llogari të Blerësit.
• Të gjitha detyrimet doganore që lidhen me zhdoganimin e automjetit janë përgjegjësi e Blerësit.

Asnjë palë nuk do të mbahet përgjegjëse për vonesa ose mosrealizime të shkaktuara nga rrethana jashtë kontrollit të arsyeshëm, përfshirë por pa u kufizuar në: fatkeqësi natyrore, luftëra, greva urie, ndryshime të kursit të anijeve, bllokime të rrugëve detare, vonesa në porte tranziti, kufizime qeveritare, ndryshime te legjislacionit fiskal dhe doganor pas nënshkrimit të kësaj kontrate.

• Kjo Kontratë rregullohet dhe interpretohet sipas ligjeve të Republikës së Shqipërisë.
• Çdo mosmarrëveshje zgjidhet fillimisht me mirëkuptim; në të kundërt, i nënshtrohet gjykatave kompetente ne Shqipëri.

• Kjo Kontratë përbën marrëveshjen e plotë ndërmjet palëve.
• Çdo ndryshim duhet të bëhet me shkrim dhe të nënshkruhet nga të dy palët.
• Kjo Kontratë hartohet në dy (2) kopje me vulë dhe nënshkrim të njomë, një për secilën palë.
• Çdo kontratë e mëparshme për automjetet subjekt të kësaj Kontrate midis dy palëve shfuqizohet më nënshkrimin e kësaj Kontrate.
• Kontrata është e vlefshme edhe në kopje digjitale ose e firmosur dhe dërguar elektronikisht.